Anghel ka na walang pakpak
nasa lupa ay laging nakaapak
budhi mo ay bumubusilak
ganda mo'y parang isang bulaklak

Narito ka sa lupa
upang bantayan ang mga bata
dahil sa takot na mapahamak sila
di iniwan kahit isang saglit pa

Ginto ka sa aking paningin
dahil sa ganda ng yong mithiin
may puso kang naninimdim
pag buhay ko ay dumidilim

Ehemplo kang tunay sa akin
kabaitan mo'y dapat gayahin
sa kapwa ay laging matulungin
kaya nararapat na ikaw ay purihin

Lagi ka sa aking isipan
kabutihan mo ay di malilimutan
sanay wag mo akong iwan
at lagi mo akong alagaan