dumaan na naman, ang kaarawan ko
noong ika katorse, buwan nang Pebrero
nag prepara ako, ng konteng salo salo
dumating ang bisita, me dalang regalo

ang unang regalo, ay isang keyk na may keso
galing sa aking kapatid, at kasamahan ko dito
at nang binuksan, sinindihan ang kandila nito
pilit na pinahipan, pag katapos pinag wish pa ako

gusto nilang malaman, ang aking kahilingan
ngunit di ko sinabi, sinarili na lamang
masyadong personal, at di pwedeng ipaalam
dahil baka di mangyari, kahit sa panaginip man lang

simple lang naman, ang aking hiling
di isang bagay, na mahal kung bilhin
ito'y para sa pamilyang, gusto kong makapiling
andoon sa pinas, naghihintay sa aking pagdating

sana laging mabuti, ang kanilang kalagayan
sana'y ilayo sila, sa ano mang kapahamakan
sana'y patawarin sila, sa munting kasalanan
at ang pinakahuli, gusto kitang pasalamatan