nakita kita, sa isang tindahan
di ko namalayan, ako ay napadaan
nabighani ako, sa ganda mo at kinang
binili kita agad, ng walang alinlangan

di na ko nag isip, kung mahal ang halaga
kahit man lang magtanong,kung ito ay may tawad pa
basta ang importante, ikaw ay maiuwi na
at nang maisuot ko, sa braso kong namumula

lagi kitang tinititigan, sa aking salamin
na para bang ayaw, mawala sa paningin
ngunit kinakailangan, na ikaw ay hubarin
dahil baka mabasa, at biglang mangitim

minsan ay dumating, ang pangangailangan
wala akong maisip, na ibang paraan
kinuha kita, sa iyong taguan
at dinala muna, sa bahay sanglaan

sobrang lungkot, ang aking naramdaman
iniisip sa sarili, na di kita kayang iwan
ngunit kinakailangan, na sayo'y mag paalam
kung magkikita tayong muli, yan ang di ko alam